राज्य स्थापना दिवस के अवसर म छत्तीसगढ़िया क्रान्ति सेना करिस छत्तीसगढ़ महतारी के भव्य महाआरती
कमलकांत पाटनवार
बिलासपुर। 01 नवंबर छत्तीसगढ़ राज्य स्थापना दिवस के पावन अवसर म छत्तीसगढ़िया क्रान्ति सेना अउ जोहार छत्तीसगढ़ पार्टी, जिला बिलासपुर के संयुक्त तत्वावधान म छत्तीसगढ़ महतारी के मूर्ति के भव्य महाआरती करे गिस।
ए अवसर म संगठन के पदाधिकारी अउ कार्यकर्ता मन छत्तीसगढ़ महतारी के पूजा-अर्चना कर प्रदेश के सुख-समृद्धि, खुशहाली अउ उन्नति के कामना करिन। पारंपरिक रीति-रिवाज अउ जयकारा के बीच आयोजित महाआरती म छत्तीसगढ़िया संस्कृति, अस्मिता, भाषा अउ स्वाभिमान के प्रति समर्पण के भावना झलकिस।
संगठन के पदाधिकारी मन कहिन कि छत्तीसगढ़ राज्य केवल एक भौगोलिक सीमा नइ, बल्कि हमर पुरखा मन के संघर्ष, बलिदान अउ छत्तीसगढ़िया मन के सपना के प्रतीक आय। राज्य स्थापना दिवस हमर बर अपन माटी, महतारी, भाखा अउ संस्कृति के मान-सम्मान के संकल्प ल दोहराय के दिन आय।
